«ՀՈՒՄԱՆԻՏԱՐ ԱԿԱՆԱԶԵՐԾՄԱՆ ԵՎ ՓՈՐՁԱԳԻՏԱԿԱՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՄԱՐՄՆԻ (ՏՆՕՐԵՆԻ) ՊԱՇՏՈՆԻ ՀԱՄԱԼՐՄԱՆ ՀԱՄԱՐ ՄՐՑՈՒՅԹ ԱՆՑԿԱՑՆԵԼՈՒ ՄԱՍԻՆ
Հայաստանի Հանրապետության պաշտպանության նախարարությունը (այսուհետ` Նախարարություն) հայտարարում է մրցույթ «Հումանիտար ականազերծման և փորձագիտական կենտրոն» պետական ոչ առևտրային կազմակերպության (այսուհետ` ՊՈԱԿ) գործադիր մարմնի (տնօրենի) թափուր պաշտոնը համալրելու համար:
ՀՀ օրենսդրությամբ ՊՈԱԿ-ի գործադիր մարմնի (տնօրենի) պաշտոնը կարող է զբաղեցնել այն գործունակ չափահաս ՀՀ քաղաքացին, ով տիրապետում է գրական հայերենին, ունի բարձրագույն կրթություն, հանրային ծառայության առնվազն չորս տարվա ստաժ կամ առնվազն հինգ տարվա մասնագիտական աշխատանքային ստաժ կամ պաշտպանության բնագավառի առնվազն երեք տարվա աշխատանքային ստաժ:
Մրցույթին չի կարող մասնակցել այն անձը՝
1) ով դատապարտվել է հանցագործության կատարման համար, և նրա դատվածությունը սահմանված կարգով հանված կամ մարված չէ,
2) ում օրենքի համաձայն արգելվել է որոշակի պաշտոններ զբաղեցնել կամ ով զրկվել է որոշակի գործունեությամբ զբաղվելու իրավունքից,
3) ով նախորդ 3 տարվա ընթացքում եղել է սնանկանալու պատճառով լուծարված և կազմակերպության պարտատերերի օրինական պահանջները չբավարարած կազ-մակերպության ղեկավար:
Մրցույթի թեստավորման փուլը կանցկացվի 2026 թվականի հուլիսի 6-ին՝ ժամը 11:00-ին, ք. Երևան, Բագրևանդի 5 հասցեում գտնվող Նախարարության վարչական համալիրի շենքում, հարցազրույցի փուլը` անմիջապես թեստավորման փուլի ավարտից հետո նույն վայրում:
Մրցույթն անցկացվում է համաձայն ՀՀ կառավարության 2022 թվականի ապրիլի 22-ի «Պետական ոչ առևտրային կազմակերպությունների գործադիր մարմինների մրցույթի, ընտրության (նշանակման) ընդհանուր կարգը և չափորոշիչները սահմանելու մասին» N539-Ն որոշման(այսուհետ՝ Որոշում):
Թեստում ընդգրվող մասնագիտական գիտելիքների վերաբերյալ թեստային առաջադրանքները կազմված են հետևյալ բնագավառներից`
• Սահմանադրություն. Հոդվածներ` 8, 12, 17, 21, 28, 41, 50, 51, 57, 63, 64, 68, 110,
հղումը` https://www.arlis.am/documentview.aspx?docID=102510,
• Աշխատանքային օրենսգիրք. Հոդվածներ` 2, 3, 5, 17, 20, 39, 41, 73, 74/1, 74/3, 74/5, 75/1, 102/1, 109, 109/1, 114, 138, 148/1, 158/2, 171, 176.1, 184, 223, 225, 227, 227/2, 229, 237, 249,
հղումը` https://www.arlis.am/hy/acts/221446,
• «Պետական ոչ առևտրային կազմակերպությունների մասին» ՀՀ օրենք. Հոդվածներ` 3-6, 8, 9, 11, 13-19, 22, 25,
հղումը` https://www.arlis.am/hy/acts/214371,
• ՀՀ կառավարության 2011 թվականի փետրվարի 17-ի «Հումանիտար ականազերծման և փորձագիտական կենտրոն» պետական ոչ առևտրային կազմակերպություն ստեղծելու և նրա կանոնադրությունը հաստատելու մասին» N143-Ն որոշում. կետ 3, հավելված 1-ի կետեր` 2, 5, 18, 24, 27, 32, 33, 39, 44,
հղումը` https://www.arlis.am/hy/acts/177281,
• ՀՀ կառավարության 2014 թվականի ապրիլի 23-ի «Հակաականային գործողությունների ազգային չափորոշիչները հաստատելու մասին» N454-Ն որոշում. հավելված 1 կետեր` 3, 5, 10, հավելված 2 կետեր` 5, 12, և հավելված 3 կետեր` 1/15, 1/33, 1/38, 1/56, հավելված 5 կետեր` 3, 4, 11, հավելված 6 կետ` 3, հավելված 7 կետ` 2, հավելված 8 կետ` 3, հավելված 9 կետեր` 6, 7, հավելված 10 կետ` 7, հավելված 12 կետեր` 3, 20, 22, 24, հավելված 14 կետ` 1, հավելված 15 կետ` 1, հավելված 22 կետ` 5, հավելված 24 կետ` 24, հավելված 25 կետ` 3, հավելված 26 կետեր` 5, 7, հավելված 27 կետեր` 17, 35,
հղումը` https://www.arlis.am/documentview.aspx?docID=90097,
Հարցազրույցի փուլի անցկացման համար հարցարանի «Մասնագիտական գիտելիքներ» բաժնում ընդգրկվելու է 5 հիմնական հարց՝ ՀՀ կառավարության 2011 թվականի փետրվարի 17-ի N143-Ն և 2014 թվականի ապրիլի 23-ի N454-Ն որոշումներից, «Հմտություններ» բաժնում 3 հիմնական հարց՝ առաջնորդում, ռազմա-վարական պլանավորում, որոշումների կայացում, բանակցությունների վարում կոմպե-տենցիաներից:
Հարցազրույցի ընթացքում ներկայացվող հայեցակարգը պետք է`
1) լինի առավելագույնը 20 էջ,
2) պարունակի ՊՈԱԿ-ի ոլորտի առկա խնդիրների համակարգային վերլուծությունը և գնահատումը,
3) ներառի ՊՈԱԿ-ի բնագավառի զարգացման և բարեփոխման առաջարկները:
Հարցազրույցի փուլի մասնակիցները ոչ ուշ, քան հարցազրույցն սկսելուց երկու ժամ առաջ պետք է hանձնաժողովին նախապես ներկայացնեն ՊՈԱԿ-ի զարգացման և բարեփոխման իրենց մշակած հայեցակարգը՝ էլեկտրոնային տարբերակով:
ՊՈԱԿ-ի տնօրենի հիմնական գործառույթներն են՝
1) առանց լիազորագրի հանդես է գալիս կազմակերպության անունից, ներկայացնում է նրա շահերը և կնքում գործարքներ,
2) ՀՀ օրենսդրությամբ, հիմնադրի և լիազորված պետական մարմնի որոշումներով և ՊՈԱԿ-ի կանոնադրությամբ սահմանված կարգով տնօրինում է կազմակերպության գույքը, այդ թվում` ֆինանսական միջոցները,
3) տալիս է կազմակերպության անունից հանդես գալու լիազորագրեր, այդ թվում` վերալիազորման իրավունքով լիազորագրեր,
4) աշխատանքի նշանակում և աշխատանքից ազատում է կազմակերպության աշխատողներին, նրանց նկատմամբ կիրառում է խրախուսման միջոցներ և նշանակում կարգապահական տույժեր,
5) կազմակերպության անունից վերջինիս համար բանկերում բացում է հաշվար-կային հաշիվներ,
6) կատարում է աշխատանքի բաժանում իր տեղակալների միջև,
7) սահմանում է կազմակերպության կառուցվածքը և կառուցվածքային ստորաբաժանումների իրավասությունները,
8) հաստատում է կազմակերպության ստորաբաժանումների կանոնադրություն-ները,
9) հաստատում է կազմակերպության հիմնարկների, մասնաճյուղերի և ներկայաց-ուցչությունների կանոնադրությունները,
10) նշանակում է կազմակերպության հիմնարկների, ներկայացուցչությունների և մասնաճյուղերի ղեկավարներին, նրանց տալիս է լիազորագրեր,
11) օրենքով և սույն կանոնադրությամբ սահմանված իր իրավասությունների սահմաններում արձակում է հրամաններ, հրահանգներ, տալիս պարտադիր կատարման համար ցուցումներ և վերահսկում դրանց կատարումը,
12) խորհրդակցական ձայնի իրավունքով մասնակցում է կազմակերպության խորհրդի նիստերին,
13) իրականացնում է ՀՀ օրենսդրությանը չհակասող և կազմակերպության կառավարման մյուս մարմիններին չվերապահված այլ լիազորություններ:
ՊՈԱԿ-ի տնօրենի աշխատավարձը 700 000 (յոթ հարյուր հազար) դրամ է` ներառյալ հարկերը:
Մրցույթին մասնակցելու համար դիմորդը Նախարարության գործերի կառավար-չություն (ներքին հեռ.՝ 14-52, 24-55, 23-63) պետք է ներկայացնի հետևյալ փաստա-թղթերը.
1) դիմում (լրացվում է տեղում), որտեղ նշվում են առնվազն հավակնորդի անունը, ազգանունը և հայրանունը (անձը հաստատող փաստաթղթում հայրանվան առկայության դեպքում), բնակության վայրը, հեռախոսահամարը և էլեկտրոնային փոստի հասցեն,
2) ինքնակենսագրություն, ոճը՝ մրցույթ անցկացնելու մասին հայտարարությունում լիազորված պետական մարմնի կողմից սահմանված ձևաչափով.
3) անձնագիր կամ նույնականացման քարտ (բնօրինակը և պատճենը).
4) 2 գունավոր լուսանկար` 3 x 4 չափսի.
5) բարձրագույն կրթությունը հավաստող դիպլոմը (դիպլոմները) բնօրինակը (բնօրինակները) և պատճենը (պատճենները).
6) օտար լեզվի իմացությունը հավաստող փաստաթուղթը (բնօրինակը (բնօրինակները) և պատճենը (պատճենները)` առկայության դեպքում.
7) գիտական աստիճանի վկայականը (բնօրինակը (բնօրինակները) և պատճենը (պատճենները)` առկայության դեպքում.
8) աշխատանքային գործունեությունը հավաստող վավերացված համապատասխան տեղեկանք (փաստաթուղթ), որը կբավարարի Որոշմամբ հաստատված կարգի 3-րդ կետով սահմանված պահանջներին և հաշվառման համակարգի տեղեկատվական բազայում առկա տվյալները ներառող տեղեկանք նախկին աշխատանքային գործունեության վերաբերյալ:
9) Որոշման 9-րդ կետում նշված սահմանափակումների բացակայությունը հավաստող փաստաթղթերը:
Քաղաքացին փաստաթղթերը ներկայացնում է անձամբ` անձնագրով կամ անձը հաստատող այլ փաստաթղթով:
Մրցույթին մասնակցելու համար դիմումներն ընդունվում են ՀՀ ՊՆ գործերի կառավարչությունում՝ մինչև 2026 թվականի հունիսի 30-ը ներառյալ` աշխատան-քային օրերին՝ ժամը 09:30-ից 12:30-ը:
Լրացուցիչ տեղեկությունների, ինչպես նաև մրցույթի այլ մանրամասներին ծանոթանալու համար ցանկացողները կարող են դիմել ՀՀ ՊՆ գործերի կառավար-չություն կամ զանգահարել հետևյալ հեռախոսահամարով` +374 10-29-43-80:
Հասցեն` ք. Երևան, Բագրևանդի 5: